ಮಂಗಳೂರಿನ ಕೋಟೆಕಾರ್‌ನಲ್ಲಿ ೧೯೩೩ರಲ್ಲಿ ಜನಿಸಿದ ಶ್ರೀ ಮೋಹನಕುಮಾರರು ಪ್ರಾರಂಭದಲ್ಲಿ ವಿಠಲ್ ಮಾಸ್ಟರ್ ಮತ್ತು ರಾಜನ್ ಅಯ್ಯರ್ ಅವರುಗಳಲ್ಲಿ ನೃತ್ಯ ಶಿಕ್ಷಣ ಪಡೆದು, ಮುಂದೆ ಸೇಲಂ ರಾಜರತ್ನಂ ಪಿಳ್ಳೆ ಅವರಲ್ಲಿ ಪ್ರೌಢ ವ್ಯಾಸಂಗ ಮಾಡಿ ಭರತನಾಟ್ಯ ಸಾಧನೆ ಮಾಡಿದ್ದಾರೆ. "ನಾಟ್ಯ ನಿಕೇತನ"ದ ಭೋದಕರಾಗಿ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನೃತ್ಯ ಪ್ರಸಾರ -ಪ್ರಚಾರಕರಾಗಿ ದುಡಿಯುತ್ತಿದ್ದಾರೆ. ಇವರ ಶಿಷ್ಯರು ರಾಜ್ಯದಲ್ಲೂ ವಿದೇಶಗಳಲ್ಲೂ ಕಲಾ ಸೇವೆಯಲ್ಲಿ ತೊಡಗಿದ್ದಾರೆ. ರಾಜ್ಯ ಮಟ್ಟದ ನೃತ್ಯ ಪರೀಕ್ಷೆಗಳಿಗೆ ಪರೀಕ್ಷಕರಾಗಿಯೂ [...]
ಶ್ರೀಮತಿ ವಸುಂಧರ ದೊರೆಸ್ವಾಮಿಯವರು ದಿವಂಗತ ಕೆ. ರಾಜರತ್ನಂ ಪಿಳ್ಳೆಯವರಲ್ಲಿ ಶಿಕ್ಷಣ ಪಡೆದು, ವಿದ್ವತ್‌ನಲ್ಲಿ ಪ್ರಥಮ ಶ್ರೇಣಿ ಪಡೆದಿರುವರಲ್ಲದೆ, ಪಂಡನಲ್ಲೂರು ಶೈಲಿಯ ಇಂದಿನ ಪ್ರಮುಖ ನರ್ತಕರಲ್ಲಿ ಒಬ್ಬರಾಗಿದ್ದಾರೆ. ರಾಜ್ಯ, ರಾಷ್ಟ್ರದ ಪ್ರಮುಖ ಸಭೆ-ಸಮ್ಮೇಳನಗಳಲ್ಲಿ ನರ್ತಿಸಿರುವ ಶ್ರೀಮತಿಯವರು ಸಿಂಗಾಪುರ್‌ನಲ್ಲೂ ಕಾರ್ಯಕ್ರಮಗಳನ್ನು ನೀಡಿದ್ದಾರೆ. ದೂರದರ್ಶನದ ರಾಷ್ಟ್ರೀಯ ಜಾಲದಲ್ಲೂ ಇವರ ನೃತ್ಯ ಬಿತ್ತರಗೊಂಡಿದೆ. "ಯೋಗ ಮತ್ತು ಭರತನಾಟ್ಯ" ಕುರಿತು ಕೌಲನಿಕ ಅಧ್ಯಯನ ಮಾಡಿರುವ ಈಕೆ ಹಲವಾರು ನೃತ್ಯ ರೂಪಕಗಳನ್ನು ನಿರ್ದೇಶಿಸಿದ್ದಾರೆ. ಮೈಸೂರಿನ "ವಸುಂಧರಾ ಫರ್‌ಫಾರ್ಮಿಂಗ್ ಆಟ್ಸ್‌! ಸೆಂಟರ್" ಮೂಲಕ ಕಿರಿಯರಿಗೆ ನೃತ್ಯ ಶಿಕ್ಷಣವನ್ನೂ [...]
೧೯೨೮ರಲ್ಲಿ ಜನಿಸಿದ ಶ್ರೀ ಶೇಷಾಧ್ರಿಯವರ ತಂದೆ ಶ್ರೀ ಬಿ.ಎಸ್. ರಾಜಯ್ಯಂಗಾರ್ಯರು ನಟರಾಗೂ, "ಗಾನ ಕಲಾ ಭೂಷಣಾ" ರಾಗೂ ಖ್ಯಾತರು. ಶ್ರೀ ಸಿ.ಕೆ. ಅಯ್ಯಾಮಣಿಯವರಲ್ಲಿ ಲಯವಾದ್ಯ ಪಾಠವನ್ನು ಪ್ರಾರಂಭಿಸಿ ಶ್ರೀ ನರಸಿಂಹಯ್ಯ, ಶ್ರೀ ಪಾಲಕ್ಕಾಡು ಕುಂಜಮಣಿ ಅವರಲ್ಲಿ ಹೆಚ್ಚಿನ ವ್ಯಾಸಂಗ ಮಾಡಿದರು. ಶ್ರೀ ಹೆಚ್. ಪುಟ್ಟಾಚಾರ್ಯರಿಂದ ಮಾರ್ಗದರ್ಶನವೂ ಅವರಿಗೆ ದೊರಕಿತು. ಪ್ರಧಾನವಾಗಿ ನೃತ್ಯ ಮೇಳಗಳ ಅವಿಭಾಜ್ಯ ಅಂಗವಾಗಿ, ರಾಜ್ಯ, ರಾಷ್ಟ್ರದ ಹೆಸರಾಂತ ನೃತ್ಯ ಕಲಾವಿದರಿಗೆ ಮೃದಂಗ ನುಡಿಸಿ, ಜನಪ್ರಿಯರಾಗಿದ್ದಾರೆ. ಶ್ರೀಮತಿ ಇಂದ್ರಾಣಿ ರೆಹಮಾನ್‌ರ ತಂಡದೊಂದಿಗೆ ಯೂರೋಪ್, ಅಮೆರಿಕ, ಇಂಗ್ಲೆಂಡ್, [...]
ನಮ್ಮ ರಾಜ್ಯದ ನೃತ್ಯ ಕ್ಷೇತ್ರದಲ್ಲಿ ಕೋಲಾರದ ಯಜಮಾನ್ ಕಿಟ್ಟಪ್ಪನವರು ಅಗ್ರಗಣ್ಯರು. ಇವರ ಮೊಮ್ಮಗಳಾದ ಮೀನಾಕ್ಷಿ ರಾಧಾಕೃಷ್ಣ ಅವರ ಸಂಪ್ರದಾಯವನ್ನು ಮುಂದುವರಿಸಿಕೊಂಡು, ಜೀವಂತವಾಗಿರಿಸಿ ಸಾರ್ಥಕರಾಗಿದ್ದಾರೆ. ತಮ್ಮ ಏಳನೆಯ ವಯಸ್ಸಿನಿಂದಲೇ ದೊಡ್ಡಪ್ಪ, ನಟುವನಾರ್ ಗುಂಡಪ್ಪನವರಿಂದ ನೃತ್ಯವನ್ನು ಕಲಿತ ಮೀನಾಕ್ಷಿಯವರ ರಂಗಪ್ರವೇಶ ೧೯೫೪ರಲ್ಲಿ ನಡೆಯಿತು. ನಂತರ ಪತಿ "ಭರತ ಕಲಾಮಣಿ" ಸಿ. ರಾಧಾಕೃಷ್ಣರಲ್ಲಿ ಶಿಕ್ಷಣ ಮುಂದುವರಿಸಿ ಭಾರತದಾದ್ಯಂತ ಪ್ರದರ್ಶನಗಳನ್ನಿತ್ತು ರಸಿಕರ ಮೆಚ್ಚುಗೆಗಳಿಸಿದರು. ತಮ್ಮಪತಿಯವರೊಡಗೂಡಿ ಸ್ಥಾಪಿತವಾದ ಇವರ ಚಿತ್ರರಂಜನಿ ಕಲಾಕ್ಷೇತ್ರದ [...]
ತನ್ನ ರಜತ ಮಹೋತ್ಸವ ವರ್ಷಕ್ಕೆ ಕಾಲಿಡುತ್ತಿರುವ ಬೆಂಗಳೂರಿನ ವೆಂಕಟೇಶ ನಾಟ್ಯ ಮಂದಿರದ ನಿರ್ದೇಶಕಿ ರಾಧಾ ಶ್ರೀಧರ್ ನಾಡಿನ ನೃತ್ಯ ಕ್ಷೇತ್ರದಲ್ಲಿ ಚಿರಪರಿಚಿತ ವ್ಯಕ್ತಿ ಬಿ.ಎ., ಬಿ.ಎಡ್ ಪದವೀಧರೆಯಾದ ಇವರು ತಮ್ಮ ಭರತನಾಟ್ಯ ಶಿಕ್ಷಣವನ್ನು ಹೆಚ್. ಆರ್. ಕೇಶವಮೂರ್ತಿಯವರಲ್ಲಿ ಪ್ರಾರಂಭಿಸಿ, ಪ್ರೊ. ಕೃಷ್ಣರಾವ್-ಚಂದ್ರಭಾಗಾದೇವಿ, ಮುತ್ತಯ್ಯ ಪಿಳ್ಳೆ ಮತ್ತು ಡಾ. ಕೆ. ವೆಂಕಟಲಕ್ಷ್ಮಮ್ಮನವರುಗಳಲ್ಲಿ ಮುಂದುವರಿಸಿ, ನೃತ್ಯ ಕಲೆಯ ವಿವಿಧ ಅಂಗಗಳಲ್ಲಿ ಪರಿಣತಿ ಸಂಪಾದಿಸಿಕೊಂಡರು. ನೃತ್ಯ ಪ್ರದರ್ಶನಕ್ಕಿಂತ ನೃತ್ಯ ಶಿಕ್ಷಣಕ್ಕೇ ತಮ್ಮನ್ನು ತೊಡಗಿಸಿಕೊಂಡ ರಾಧಾ ೧೯೬೯ ರ ಸುಮಾರಿನಲ್ಲಿ ತಮ್ಮ ನೃತ್ಯ [...]
ಸ್ವತಃ ತಾವೇ ತಯಾರಿಸಿ, ಮೃದಂಗವನ್ನು ನುಡಿಸುವ ನೈಪುಣ್ಯತೆಯನ್ನು ಪಡೆದಿರುವವರು ವಿರಳ. ಇದಕ್ಕೆ ಅಪವಾದ ಎಂ. ಆರ್. ರಂಗಸ್ವಾಮಿ. ಚಾಮರಾಜನಗರದ ಹಳ್ಳಿಯೊಂದರಲ್ಲಿ ೧೯೩೧ರಲ್ಲಿ ಜನಿಸಿದ ರಂಗಸ್ವಾಮಿಯವರಿಗೆ ಲಯವಾದ್ಯ ವಂಶಪಾರಂಪರ್ಯವಾಗಿ ಬಂದಿದೆ. ತಂದೆ ರಂಗಯ್ಯ ಸಹ ತಾಳವಾದ್ಯಗಳ ತಯಾರಿಕೆಯಲ್ಲಿ ನಿಪುಣ. ತಾವೇ ತಬಲ ಮೃದಂಗ ನುಡಿಸುತ್ತಿದ್ದರು. ಆದರೆ ರಂಗಸ್ವಾಮಿಯವರ ಶಿಕ್ಷಣ ಅವರ ದೊಡ್ಡಪ್ಪನವರಲ್ಲಿ ಆರಂಭ. ಸೀನಪ್ಪ ಸುಬ್ಬು ಇವರ ನಂತರದ ಗುರುಗಳು. ತಮ್ಮ ೧೦ನೇಯ ವಯಸ್ಸಿನಿಂದಲೆ ಕಚೇರಿ ಜೀವನಕ್ಕೆ ಧುಮುಕಿದ ರಂಗಸ್ವಾಮಿ ಶಾಸ್ತ್ರೀಯ ಸಂಗೀತವಲ್ಲದೇ ಲಘು ಸಂಗೀತ, ಚಿತ್ರ ಸಂಗೀತಗಳಿಗೂ [...]
ಕೆ.ಎಸ್.ರಾಜಗೋಪಾಲ್ ಅವರು ೫-೧೨-೧೯೨೪ರಲ್ಲಿ ಉಡುಪಿಯಲ್ಲಿ ಜನಿಸಿದರು. ತಂದೆ ಉತ್ತಮ ಶಿಕ್ಷಕರೆಂದು ಹೆಸರು ಪಡೆದಿದ್ದ ಶ್ರೀನಿವಾಸ ಹೆಬ್ಬಾರರು. ಮಗನನ್ನು ಉತ್ತಮ ವಿದ್ಯಾವಂತನನ್ನಾಗಿ ಮಾಡುವ ಹಂಬಲದಿಂದ ಉನ್ನತ ಶಿಕ್ಷಣ ಕೊಡ ಹತ್ತಿದರು. ವ್ಯಾಸಂಗದಲ್ಲಿರುವಾಗಲೇ ನಾಟ್ಯ-ಸಂಗೀತ ಕಲೆಗಳ ಗೀಳು ಹತ್ತಿಸಿಕೊಂಡ ರಾಜಗೋಪಾಲ್ ಮೆಟ್ರಿಕ್‌ವರೆಗೆ ಓದಿ ನೃತ್ಯ ಕಲೆಯನ್ನು ಕಲಿಯುವ ಆಸೆಯಿಂದ ಮೈಸೂರಿಗೆ ಬಂದರು. ಮೈಸೂರಿನ ಎಂ.ಎ. ಮಹದೇವಸ್ವಾಮಿ ನೆರವಿನಿಂದ ನಾಟ್ಯಾಚಾರ್ಯ ನಾಗಭೂಷಣ ಅವರಲ್ಲಿ ಪ್ರಾಥಮಿಕ ಶಿಕ್ಷಣ ಹೊಂದಿ ನಂತರ ನಾಟ್ಯ ಸರಸ್ವತಿ ಜಟ್ಟಿ ತಾಯಮ್ಮ ಮತ್ತು ನಾಟ್ಯ ಸುಂದರಮ್ಮನವರಲ್ಲಿ ಉನ್ನತ ಶಿಕ್ಷಣ [...]
ಕೆ.ಎಂ. ರಾಮನ್ ಅವರು ೧೯೩೦ರಲ್ಲಿ ಕಾಸರಗೋಡಿನ ನೀಲೇಶ್ವರದಲ್ಲಿ ಜನಿಸಿದರು. ನಾಟ್ಯದ ಗಿಳು ಅಂಟಿಸಿಕೊಂಡ ರಾಮನ್ ಭರತನಾಟ್ಯ ಕಲಿಕೆಗಾಗಿ ಮೈಸೂರಿಗೆ ಬಂದು ನೆಲೆಸಿ ಅಲ್ಲಿನ ಹೆಸರಾಂತ ನೃತ್ಯ ಪಟು ಕೆ. ಎಸ್. ರಾಜಗೋಪಾಲ್ ಅವರಲ್ಲಿ "ಕಥಕ್ಕಳಿ" ಸಂಪ್ರದಾಯದ ನೃತ್ಯ ಅಭ್ಯಾಸ ಮಾಡಿದರು. ಪ್ರೊ|| ಯು.ಎಸ್.ಕೃಷ್ಣರಾವ್ ಹಾಗೂ ಚಂದ್ರ ಭಾಗಾದೇವಿಯವರಲ್ಲಿ ಕೆಲವು ಕಾಲ ಭರತನಾಟ್ಯದಲ್ಲಿ "ಪಂದನಲ್ಲೂರು ಶೈಲಿ" ಯ ನೃತ್ಯಾಭ್ಯಾಸ ಮಾಡಿ ಅನಂತರ ಕಿಟ್ಟಪ್ಪ ಪಿಳ್ಳೆಯವರಲ್ಲೂ ಶಿಷ್ಯವೃತ್ತಿ ಮಾಡಿ ನೃತ್ಯ ಕಲೆಯಲ್ಲಿ ಪ್ರಾವೀಣ್ಯ ಪಡೆದರು. ಗುಬ್ಬಿ ವೀರಣ್ಣನವರ ನಾಟಕ ಕಂಪೆನಿಯಲ್ಲಿ [...]
ಲಲಿತಾ ದೊರೈ ಅವರು ದಿನಾಂಕ ೯-೧-೧೯೨೬ರಲ್ಲಿ ಜನಿಸಿದರು. ಇವರದು ಕಲಾವಿದರ ಕುಟುಂಬ. ತಂದೆ ಎಫ್.ಜಿ. ನಟೇಶ ಅಯ್ಯರ್ ಅವರ ಸಹೋದರ ಎನ್.ತ್ಯಾಗರಾಜನ್ ಉತ್ತಮ ನೃತ್ಯಪಟು. ಲಲಿತಾ ಅವರ ಪ್ರಾಥಮಿಕ ಶಿಕ್ಷಣ ಅಣ್ಣ ತ್ಯಾಗರಾಜನ್ ಅವರಲ್ಲೇ ನಡೆಯಿತು. ಅನಂತರ ಮತ್ತೊಬ್ಬ ಸೋದರ ಕಲ್‌ಐಮಾಮಣಿ ನಟನಂ ಮಣಿ ಅವರಲ್ಲಿ ಉಚ್ಚ ಶಿಕ್ಷಣ , ಗೃಹಸ್ಥಾಶ್ರಮದ ನಂತರ ಬೆಂಗಳೂರಿಗೆ ಬಂದ ಲಲಿತಾ ಅವರು ಬಸವನಗುಡಿ ಸ್ತ್ರೀ ಸಮಾಜದ ಆಶ್ರಯದಲ್ಲಿ ೧೯೫೦ರಲ್ಲಿ "ಶ್ರೀ ಗಣೇಶ ನಾಟ್ಯ ಮಂದಿರ" ಎಂಬ ನೃತ್ಯ ಶಾಲೆಯನ್ನು ಪ್ರಾರಂಭಿಸಿದರು. [...]
ಎಂ.ಎಸ್. ಶ್ರೀನಿವಾಸಮೂರ್ತಿಯವರು ೮-೮-೧೯೩೧ರಲ್ಲಿ ಮೈಸೂರಿನಲ್ಲಿ ಜನಿಸಿದರು. ಇವರ ದೊಡ್ಡ ತಾತ ಚಿಕ್ಕರಾಮರಾಯರು.ಮಾತಾಮಹ ಹರಿಕಾರ ವೆಂಕಟರಾಯರು ಸಂಗೀತ ವಿದ್ವಾಂಸರು. ಶ್ರೀನಿವಾಸಮೂರ್ತಿಯವರಿಗೆ ತಾಯಿ ರಾಜಮ್ಮನವರೇ ಆರಂಭದ ಗುರು, ತಾಯಿಯವರಲ್ಲಿ ಗಾಯನವನ್ನು ಅಭ್ಯಸಿಸಿದ ಶ್ರೀನಿವಾಸಮೂರ್ತಿ ಮುಂದೆ ಎಂ.ಆರ್. ದೊರೆಸ್ವಾಮಿಯವರಲ್ಲಿ ವೇಣು ವಾದನದಲ್ಲಿ ತರಬೇತಿಯನ್ನು ಪಡೆದರು. ರಾಜ್ಯದ ಅನೇಕ ಭಾಗಗಳಲ್ಲಿ ಕೊಳಲು ವಾದನ ಕಚೇರಿಗಳನ್ನು ನೀಡಿರುವ ಶ್ರೀನಿವಾಸಮೂರ್ತಿ ಬೆಂಗಳೂರು ಆಕಾಶವಾಣಿ, ದೂರದರ್ಶನ ಅಲ್ಲದೆ ಬಿ.ಬಿ.ಸಿ ಕೇಂದ್ರಗಳಲ್ಲೂ ಕೊಳಲು ತನಿ ಕಚೇರಿ ನೀಡಿದ್ದಾರೆ. ಹಿಂದುಸ್ಥಾನಿ ಶಾಸ್ತ್ರೀಯ ಸಂಗೀತದಲ್ಲೂ ಸಾಕಷ್ಟು ಪರಿಶ್ರಮ ಹೊಂದಿರುವುದೇ ಅಲ್ಲದೆ ಭಾರತೀಯ [...]
ಉಷಾ ದಾತಾರ್‌ರವರು ಭರತನಾಟ್ಯ, ಮೋಹಿನ ಅಟ್ಟಂ, ಕೂಚಿಪುಡಿ ನಾಟ್ಯ ಮತ್ತು ಕಥಕಳಿಯಲ್ಲೂ ಅಷ್ಟೇ ಪರಿಣತಿಯನ್ನು ಹೊಂದಿದ್ದಾರೆ. ತಮ್ಮ ಏಳನೇ ವಯಸ್ಸಿನಲ್ಲಿಯೇ ನೃತ್ಯ ಕಲಿಯಲಾರಂಭಿಸಿದ ಉಷಾ ದಾತಾರ್ ಸ್ನೇಹಪ್ರಭಾರವರೇ ಮೊದಲ ಗುರು. ನಂತರ ಕೇರಳ ಕಲಾ ಮಂಡಳಂನಲ್ಲಿ ವಿದ್ಯಾರ್ಥಿ ವೇತನದೊಂದಿಗೆ ಐದು ವರ್ಷಗಳ ಕಾಲ ಗುರುಕುಲ ಪದ್ಧತಿಯಲ್ಲಿ ಶಿಕ್ಷಣ. ೯ನೇ ವರ್ಷದಲ್ಲಿ ಮೋಹಿನಿ ಅಟ್ಟಂ ಹಾಗೂ ಭರತ ನಾಟ್ಯದಲ್ಲಿ ಪರಿಣತಿ. ಆಂಧ್ರ ಸಂಗೀತ ಅಕಾಡೆಮಿಯ ಆಶ್ರಯದಲ್ಲಿ ೧೯೭೩ರಲ್ಲಿ ಕೂಚಿಪುಡಿ ನಾಟ್ಯ, ದೇವಾಲಯ ನೃತ್ಯ, ಸಾತ್ವಿಕ ಅಭಿನಯದ ಶಿಕ್ಷಣ, ನಂತರ [...]
ದಿನಾಂಕ ೭-೮-೧೯೪೭ ರಂದು ಜನಿಸಿದ ನಂದಿನಿ ಈಶ್ವರ್‍ರವರಿಗೆ ಚಿಕ್ಕಂದಿನಿಂದಲೂ ನೃತ್ಯದಲ್ಲಿ ಅಪಾರ ಆಸಕ್ತಿ. ಅಜ್ಜಿ, ತಾತ, ತಂದೆ (ಎಂ.ಎಸ್.ಶ್ರೀಕಂಠಯ್ಯ) ತಾಯಿ (ಶ್ರೀಮತಿ ಎಂ. ಎಸ್. ಶಾಂತಮ್ಮ) ಇವರ ನಿರಂತರ ಪ್ರೋತ್ಸಾಹದಿಂದ ಆ ದಿಸೆಯಲ್ಲಿ ಶಿಕ್ಷಣ ಮೈಊರು ವಿಶ್ವವಿದ್ಯಾಲಯದ ಬಿ.ಎಸ್.ಸಿ. ಮತ್ತು ಹಿಂದಿಯಲ್ಲಿ ಸ್ನಾತಕೋತ್ತರ ಎಂ.ಎ. ಪದವಿಯನ್ನು ಹೊಂದಿದ್ದಾರೆ. ಡಾ|| ವೆಂಕಟಲಕ್ಷ್ಮಮ್ಮ, ಲಲಿತ ದೊರೈ, ಮೈಸೂರಿನ ವೈ.ಎನ್. ಸಿಂಹ ನಂತರ ದೆಹಲಿಯ ಗಾಂಧರ್ವ ಮಹಾ ವಿದ್ಯಾಲಯದ ತೀರಥ್ ರಾಂ ಆಜಾದ್‌ರವರಿಂದ ಕಥಕ್, ದೆಹಲಿ ಬ್ಯಾಲೆ ಗ್ರೂಫ್ ನಿರ್ದೇಶಕ ವಾಲ್ಮೀಕಿ [...]
ಪದ್ಮಿನಿ ರಾವ್‌ರವರು ಗುರುಕುಲ ಪದ್ಧತಿಯಲ್ಲಿ ಗುರು ಕಿಟ್ಟಪ್ಪಪಿಳ್ಯೈಯವರಲ್ಲಿ ತಂಜಾವೂರು ಶೈಲಿಯ ಭರತನಾಟ್ಯವನ್ನು ಅಭ್ಯಸಿಸಿ, ನಂತರ ಲೀಲಾ ರಾಮನಾಥನ್ ರಿಂದ ಭರತನಾಟ್ಯ ಕಲಿತು, ಕೊರಾಡಂ ನರಸಿಂಹರಾಯರ ಬಳಿ ಕೂಚಿಪುಡಿ ನಾಟ್ಯದ ಪರಿಚಯವನ್ನು ಪಡೆದರು. ಡಾ|| ವೆಂಕಟಲಕ್ಷ್ಮಮ್ಮ ಹಾಗೂ ಕಳಾನಿಧಿ ನಾರಾಯಣರಿಂದ ಅಭಿನಯದಲ್ಲಿ ವಿಶೇಷ ತರಬೇತಿಯನ್ನು ಪಡೆದಿದ್ದಾರೆ. ಭಾರತ ಸರ್ಕಾರದ ಸಂಸ್ಕೃತಿ ಇಲಾಖೆಯಿಂದ ’ನೃತು’ ಹಾಗೂ ’ನಟ್ಟುವಾಂಗಕ್ಕೆ’ ಹಾಗೂ ಮುಂಬೈನ ’ಭೂಬಾಬಾಯ್ ಮೆಮೋರಿಯಲ್ ಟ್ರಸ್ಟ್‌’ನವರಿಂದಲೂ ವಿಶೇಷ ವಿದ್ಯಾರ್ಥಿ ವೇತನವನ್ನು ಹೊಂದಿದ್ದರು. ರಾಜ್ಯದ ಹೊರಗೂ ಒಳಗೂ ಅನೇಕ ಕಾರ್ಯಕ್ರಮಪಗಳನ್ನಿತ್ತು ಪ್ರಶಂಸೆಗೆ ಪಾತ್ರರಾಗಿದ್ದಾರೆ. [...]
೧೯೩೬ರಲ್ಲಿ ಜನಿಸಿದ ಕೆ.ಸಿ. ಅಶ್ವತ್ಥ ನಾರಾಯಣರವರು ತಮ್ಮ ೧೩ನೆಯ ವಯಸ್ಸಿನಲ್ಲಿಯೇ ಶ್ರೀ ಎಂ.ಎಸ್. ಶ್ರೀನಿವಾಸಮೂರ್ತಿಯರಲ್ಲಿ ನಂತರ ವಿದ್ವಾನ್ ಎಂ.ಆರ್. ದೊರೆಸ್ವಾಮಿ, ಟಿ. ಆರ್. ಮಹಲಿಂಗಂರವರ ಸಂಪರ್ಕದಿಂದ ತಮ್ಮ ಕಲಾಸಕ್ತಿಯನ್ನು ಬೆಳೆಸಿಕೊಂಡರು. ಹಲವಾರು ಸಭೆಗಳ, ಸಂಘ ಸಂಸ್ಥೆಗಳ ಆಶ್ರಯದಲ್ಲಿ ಸಂಯೋಜಿಸಲಾಗಿದ್ದ ಸಂಗೀತ ಕಚೇರಿಗಳಲ್ಲಿ ಸಹಕಲಾವಿದರಾಗಿಯೂ, ಸ್ವತಂತ್ರ ಕಚೇರಿಗಳನ್ನೂ ನೀಡಿದ್ದಾರೆ. ನೃತ್ಯ ಕ್ಷೇತ್ರದಲ್ಲಿ ಖ್ಯಾತನಾಮರಾದ ಮುತ್ತಯ್ಯಪಿಳ್ಳೆ, ಹೆಚ್. ಆರ್.ಕೇಶವಮೂರ್ತಿ, ಬಿರ್ಜು ಮಹಾರಾಜ್, ಕೇಳುಚರಣ್ ಮಹಾಪಾತ್ರ, ಅಡಿಯಾರ್ ಲಕ್ಷ್ಮಣ್ ಹಾಗೂ ಕೃಷ್ಣಮೂರ್ತಿ ಮುಂತಾದ ಪ್ರಖ್ಯಾತ ನೃತ್ಯಪಟುಗಳ ಕಾರ್ಯಕ್ರಮಗಳಲ್ಲಿ ಕೊಳಲು ವಾದನದ ಸಹಕಾರವನ್ನು [...]
ಕಡೂರು ತಾಲ್ಲೂಕಿನ ತಂಗಲಿ ತಾಂಡ್ಯದಲ್ಲಿ ಹಿಂದುಳಿದ ಲಂಬಾಣಿ ಜನಾಂಗದಲ್ಲಿ ದಿನಾಂಕ ೧೮-೪-೧೯೪೪ರಂದು ಜನಿಸಿ, ಕಲಾರಂಗಕ್ಕೆ ಹೆಜ್ಜೆಯಿಟ್ಟ ಶಕುಂತಲಾ ತನ್ನ ೫ನೇ ವಯಸ್ಸಿನಿಂದಲೇ ವಿದ್ಯಾಭ್ಯಾಸದೊಂದಿಗೆ ಸಂಗೀತ, ನೃತ್ಯ ಪಾಠಗಳ ಆರಂಭ. ಸಂಗೀತದಲ್ಲಿ ಅನೇಕ ವರ್ಷಗಳ ತರಬೇತಿಯ ನಂತರ ಆಸ್ಥಾನ ವಿದ್ವಾನರಾಗಿ ಖ್ಯಾತಿ ಪಡೆದಿದ್ದಂತಹ ದಿವಂಗತ ಎಸ್.ಎನ್. ಮರಿಯಪ್ಪನವರಲ್ಲಿ ಹೆಚ್ಚಿನ ಶಿಕ್ಷಣ ಪಡೆದು, ಸಂಗೀತ ಕಚೇರಿಗಳನ್ನಿತ್ತಿರುವುದೂ ಉಂಟು. ನೃತ್ಯಾಭ್ಯಾಸ ಸಂಗೀತ ಕಲಾರತ್ನ ಪದ್ಮಭೂಷಣ, ಡಾ|| ಕೆ.ವೆಂಕಟಲಕ್ಷ್ಮಮ್ಮನವರಲ್ಲಿ ಆರಂಭವಾಗಿ ಅನೇಕ ವರ್ಷಗಳ ಗುರುಕುಲ ಪದ್ಧತಿಯ ಅನುಸಾರವಾಗಿ ತರಬೇತಿ ಪಡೆದು ನಂತರ ರಂಗಪ್ರವೇಶ. [...]
"ಕಲೆಯ ಬೆಳವಣಿಗೆಗೆ ಸಾಧನೆಯೇ ಮುಖ್ಯ" ಎಂದು ನಂಬಿರುವ ನೃತ್ಯ ಶಿಕ್ಷಕ ಜನಪ್ರಿಯ ಭರತನಾಟ್ಯ ಗುರು, ಸಂಯೋಜಕ ಹಾಗೂ ನರ್ತಕ ದಕ್ಷಿಣ ಕನ್ನಡ ಜಿಲ್ಲೆಯ ಜನಪ್ರಿಯ ನಾಟ್ಯ ಪ್ರಕಾರ "ಯಕ್ಷಗಾನ"ದ ಹಿನ್ನೆಲೆಯುಳ್ಳ ಶಿವರಾವ್ ಹೆಸರು ಮಾಡಿರುವುದು ಭರತನಾಟ್ಯ ಗುರುವಾಗಿ, ಆ ಶೈಲಿಯನ್ನು ಬಳಸಿಕೊಂಡು ನಿರ್ಮಿಸಿರುವ ನೃತ್ಯ-ನಾಟಕಗಳಿಂದಾಗಿ ಸುಮಾರು ೪೦ ವರುಷಗಳಿಂದ ನಡೆಯುತ್ತಿರುವ ಶ್ರೀಯುತರ ನೃತ್ಯ ಶಾಲೆಯಿಂದ ತಯಾರಾಗಿ ಖ್ಯಾತಿ ಪಡೆದಿರುವ ಕಲಾವಿದರು ಅನೇಕ. ಅವರಲ್ಲಿ ಹಲವಾರು ತನ್ನ ಗುರುವಿನ ವೃತ್ತಿಯನ್ನೇ ಮುಂದುವರಿಸಿ ನೃತ್ಯ ಶಿಕ್ಷಣವನ್ನು ಒದಗಿಸುತ್ತಿರುವವರೂ ಇದ್ದಾರೆ. ಇಂಥಹವರಲ್ಲಿ [...]
ರಾಷ್ಟ್ರೀಯ ಖ್ಯಾತಿ ಗಳಿಸಿ ಶಾಸ್ತ್ರೀಯ ನೃತ್ಯದ ವಿವಿಧ ಪ್ರಕಾರಗಳಲ್ಲಿ ಸಿದ್ಧಹಸ್ತರೆನಿಸಿರುವ ಕಲಾವಿದೆ ಶ್ರೀಮತಿ ಸುನಂದಾದೇವಿ. ಸುಸಂಸ್ಕೃತ ಮನೆತನದಲ್ಲಿ ಬೆಳೆದು ಬಂದವರು. ಬಾಲ ಕಲಾವಿದೆ ಆಗಿದ್ದಾಗಲೇ ಭರತನಾಟ್ಯದಲ್ಲಿ ಮದರಾಸಿನ ರಾಮನ್ ಮತ್ತು ನಾರಾಯಣ ಪಿಳ್ಳೈರವರಲ್ಲಿ ಶಾಸ್ತ್ರೀಯ ನೃತ್ಯ ಕಲಿತು ಭರತನಾಟ್ಯದಲ್ಲಿ ಪಾಂಡಿತ್ಯ ಗಳಿಸಿ ಅನಂತರ ಹೈದರಾಬಾದಿನಲ್ಲಿ ಭರತ ಕಲಾ ಪ್ರಪೂರ್ಣ ಪದ್ಮಶ್ರೀ ನಟರಾಜ ರಾಜಕೃಷ್ಣರವರಲ್ಲಿ ಕೂಚುಪುಡಿ, ಆಲಯ ನೃತ್ಯಮುಲು, ಆಂಧ್ರ ನಾಟ್ಯಮು, ಇವುಗಳನ್ನು ಸತತವಾಗಿ ೮ ವರ್ಷಗಳ ಕಾಲ ಕಲಿತರು. ಇವರ ರಂಗ ಪ್ರವೇಶವಾದದ್ದು ೨೪-೨-೧೯೬೪ರಲ್ಲಿ ಬೆಂಗಳೂರಿನ ಪುರಭವನದಲ್ಲಿ [...]
"ನನ್ನ ಇಡೀ ಜೀವನವೇ ಸಂಗೀತಮಯ" ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುವ ಜಾಹ್ನವಿ ಜಯಪ್ರಕಾಶ್ ನೃತ್ಯಕ್ಕೆ ಅದರಲ್ಲೂ ಭರತನಾಟ್ಯಕ್ಕೆ ಹಾಡುವವರಲ್ಲಿ ಅದ್ವಿತೀಯರು ಎಂದರೆ ತಪ್ಪಾಗಲಾರದು. ಸಂಗೀತದ ವಾತಾವರಣದಲ್ಲೇ ಬೆಳೆದ ಜಾಹ್ನವಿ ತನ್ನ ಎಳೆಯ ವಯಸ್ಸಿನಿಂದಲೇ ಹಾಡುಗಾರಿಕೆಯ ಸೂಕ್ಷ್ಮತೆಗಳನ್ನು ಕರಗತಮಾಡಿಕೊಂಡಿದ್ದರು. ಮುಂದೆ ಖ್ಯಾತ ಸಂಗೀತಜ್ಞ ಟಿ. ಪುಟ್ಟಸ್ವಾಮಯ್ಯನವರ ಮಾರ್ಗದರ್ಶನದಲ್ಲಿ ಎಂ.ಎ. ಪದವಿಯನ್ನು ಗಳಿಸಿ ಸಂಗೀತ ಕ್ಷೇತ್ರದಲ್ಲಿ ತಮ್ಮ ಹೆಸರು ಚಿರಸ್ಥಾಯಿಯಾಗಿರುವಂತೆ ಯಶಸ್ವಿಯಾದರು. ತಮ್ಮ ಸಣ್ಣ ವಯಸ್ಸಿನಲ್ಲೇ ಕಚೇರಿಗಳಲ್ಲಿ ಹಾಡುವ ಆತ್ಮವಿಶ್ವಾಸವನ್ನು ಬೆಳೆಸಿಕೊಂಡವರಾಗಿದ್ದರೂ ಜಾಹ್ನವಿ ಹೆಸರು ಗಳಿಸಿದ್ದು ನೃತ್ಯಕ್ಕೆ ಅದರಲ್ಲೂ ಭರತನಾಟ್ಯದ ಹಿನ್ನಲೆ [...]
’ಕಥಕ್’ ಶೈಲಿಗೆ ಬೆಂಗಳೂರಿನಲ್ಲೇ ಏಕೆ, ದಕ್ಷಿಣದಲ್ಲೇ ಒಂದು ಸ್ಥಿರವಾದ ಸ್ಥಾನಮಾನವನ್ನು ದೊರಕುವಂತೆ ಮಾಡಿರುವ ಕೀರ್ತಿ ಮಾಯಾರಾವ್‌ರವರಿಗೆ ಸಲ್ಲಬೇಕು. ಅವರಂತೆ ತಮ್ಮ ಮತ್ತೊಬ್ಬ ಸೋದರಿ ಉಮಾರಾವ್‌ರೊಂದಿಗೆ ಚಿಕ್ಕವಯಸ್ಸಿನಲ್ಲಿಯೇ ಆ ಉತ್ತರ ಭಾರತದ ನೃತ್ಯ ಶೈಲಿಯನ್ನು ಕರಗತ ಮಾಡಿಕೊಂಡು, ತಮ್ಮ ತಾರುಣ್ಯದ ದಿನಗಳಲ್ಲಿ ನಗರ, ರಾಜ್ಯದಲ್ಲಿ ಪ್ರದರ್ಶನಗಳನ್ನಿತ್ತು, ಆ ಅವಧಿಯಲ್ಲಿ ತಮ್ಮ ಗುರು ಮನೆತನದ ಚಿಗುರಾದ ಬೃಜು ಮಹಾರಾಜ್ ರಾಜ್ಯಕ್ಕೆ ಭೇಟಿಕೊಟ್ಟಾಗ, ಈ ರಾವ್ ಸಹೋದರಿಯರು ಆ ಖ್ಯಾತ ಕಲಾವಿದೆಯೊಂದಿಗೆ ನರ್ತಿಸಿದ ಹೆಗ್ಗಳಿಕೆ. ಮುಂದೆ ಉಮಾ ನೃತ್ಯವನ್ನು, ತ್ಯಜಿಸಿದರು. ಚಿತ್ರಾ [...]