ಕಣಜ ತಿಳಿಯಿರಿ

ಕಣಜ ಎಂದರೇನು?

  • ವಿದ್ಯುನ್ಮಾನ ಮಾಧ್ಯಮದ ಮೂಲಕ ಕನ್ನಡ ಭಾಷೆಯಲ್ಲಿ ಎಲ್ಲ ಬಗೆಯ ಅರಿವಿನ ಹರಿವುಗಳು ಮುಕ್ತವಾಗಿ ಸಿಗುವಂತೆ ಮಾಡಲು ವ್ಯವಸ್ಥಿತ ಜಾಲತಾಣ ರೂಪಿಸುವ ಯೋಜನೆ. ಇರುವ ಜ್ಞಾನದ ಸಂಗ್ರಹ, ಪರಿಷ್ಕಾರ ಮತ್ತು ಹೊಸ ಜ್ಞಾನದ ಸೃಷ್ಟಿ – ಇವು ಕಣಜದ ಸ್ಥೂಲ ಚಟುವಟಿಕೆಗಳು.

`ಕಣಜ’ವನ್ನು ರೂಪಿಸಿದವರು ಯಾರು?

  • `ಕಣಜ’ವನ್ನು ಕರ್ನಾಟಕ ಸರ್ಕಾರದ ಕರ್ನಾಟಕ ಜ್ಞಾನ ಆಯೋಗವು ಕನ್ನಡ ಅಭಿವೃದ್ಧಿ ಪ್ರಾಧಿಕಾರ ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಗಳ ಸಹಕಾರದೊಂದಿಗೆ ಈ ಯೋಜನೆಯನ್ನು ಪರಿಕಲ್ಪಿಸಿ, ರೂಪಿಸಿದ್ದು ಇಂಟರ್ ನ್ಯಾಶನಲ್ ಇನ್ಸ್ಟಿಟ್ಯೂಟ್ ಆಫ್ ಇನ್ಫಾರ್ಮೇಶನ್ ಟೆಕ್ನಾಲಜಿ, ಬೆಂಗಳೂರು (ಐಐಐಟಿ-ಬಿ) ಇವರು ಜಾರಿಗೊಳಿಸುತ್ತಿದ್ದಾರೆ.

`ಕಣಜ’ದ ಕಚೇರಿ ಎಲ್ಲಿದೆ? ಯೋಜನೆಯನ್ನು ನಡೆಸುತ್ತಿರುವವರು ಯಾರು?

ಕಣಜದ  ಅಧಿಕೃತ ಕಚೇರಿಯು

ಸಲಹಾ ಸಮನ್ವಯಕಾರ

ಕಣಜ ಅಂತರಜಾಲ ಕನ್ನಡ ಜ್ಞಾನಕೋಶ, (ಕರ್ನಾಟಕ ಜ್ಞಾನ ಆಯೋಗದ ಯೋಜನೆ)

ಇಂಟರ್ನ್ಯಾಶನಲ್ ಇನ್ಸ್ಟಿಟ್ಯೂಟ್ ಆಫ್ ಇನ್ಫಾರ್ಮೇಶನ್ ಟೆಕ್ನಾಲಜಿ- ಬೆಂಗಳೂರು

26/ಸಿ, ಎಲೆಕ್ಟ್ರಾನಿಕ್ಸ್ ಸಿಟಿ, ಹೊಸೂರು ರಸ್ತೆ, ಬೆಂಗಳೂರು 560100  ಆಗಿರುತ್ತದೆ.

`ಕಣಜ ಯೋಜನೆಯ ಸಂಚಾಲನಾ ಸಮಿತಿ ಹೀಗಿದೆ:

  • ಅಧ್ಯಕ್ಷರು: ಡಾ. ಚಿರಂಜೀವಿ ಸಿಂಗ್, ನಿವೃತ್ತ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ

ಸದಸ್ಯರು:

  • ಅಧ್ಯಕ್ಷರು, ಕನ್ನಡ ಅಭಿವೃದ್ಧಿ ಪ್ರಾಧಿಕಾರ
  • ನಿರ್ದೇಶಕರು, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ
  • ಪ್ರೊ|| ರಾಮಮೂರ್ತಿ ವಿ ಎಸ್, ನಿರ್ದೇಶಕರು, ನ್ಯಾಶನಲ್ ಇನ್ಸ್ಟಿಟ್ಯೂಟ್ ಆಫ್ ಅಡ್ವಾನ್ಸಡ್ ಸ್ಟಡೀಸ್
  • ನಿರ್ದೇಶಕರು, ಎಲೆಕ್ಟ್ರಾನಿಕ್ ಡೆಲಿವರಿ ಆಫ್ ಸಿಟಿಜೆನ್ ಸರ್ವಿಸಸ್ (ಇಡಿಸಿಎಸ್)
  • ಪ್ರೊ|| ಎಚ್ ಪಿ ಕಿಂಚ, ಅಧ್ಯಕ್ಷರು, ಎಲೆಕ್ಟ್ರಿಕಲ್ಸ್ ವಿಭಾಗ, ಭಾರತೀಯ ವಿಜ್ಞಾನ ಸಂಸ್ಥೆ
  • ಶ್ರೀ ಪ್ರಸಾದ್ ರಾಮ್, ಎಡ್ನೋವೋ ಕಲಿಕಾ ಸಂಸ್ಥೆ
  • ಉಪಕುಲಪತಿಯವರು, ಕನ್ನಡ ವಿಶ್ವವಿದ್ಯಾಲಯ, ಹಂಪಿ

(ಕರ್ನಾಟಕ ಜ್ಞಾನ ಆಯೋಗದ ಸದಸ್ಯ ಕಾರ್ಯದರ್ಶಿಯವರು, ಕರ್ನಾಟಕ ವೃತ್ತಿ ತರಬೇತಿ ಮತ್ತು ಕೌಶಲ್ಯ ಅಭಿವೃದ್ಧಿ ನಿಗಮ(ನಿ)ದ ಕಾರ್ಯಪಾಲಕ ನಿರ್ದೇಶಕರು ಮತ್ತು ಐಸೋಲ್ ಕನ್ಸಲ್ಟಿಂಗ್ ಪ್ರೈ.ಲಿ., ಇದರ ವ್ಯವಸ್ಥಾಪಕ ನಿರ್ದೇಶಕರು – ಇವರು ಸಮಿತಿಯ ವಿಶೇಷ ಆಹ್ವಾನಿತ ಸದಸ್ಯರು)

`ಕಣಜ’ದ ಸ್ಥೂಲ ಉದ್ದೇಶಗಳೇನು?

  • ಇದು ಕನ್ನಡ ಭಾಷೆಯಲ್ಲಿ ಯಾವುದೇ ಮಾಹಿತಿಗೆ ಏಕೈಕ ಮೂಲವಾಗುತ್ತದೆ. ಕರ್ನಾಟಕ ಜ್ಞಾನ ಆಯೋಗದ ಹೆಗ್ಗುರಿಯಾದ ಜ್ಞಾನಸಮಾಜದ ಸೃಷ್ಟಿಯ ದಿಕ್ಕಿನಲ್ಲಿ ಇದೊಂದು ಹೆಜ್ಜೆ.
  • ವಿವಿಧ ಸಂಸ್ಥೆ ಮತ್ತು ವ್ಯಕ್ತಿಗಳಿಂದ ಮಾಹಿತಿಗಳನ್ನು ಪಡೆದು ಅವುಗಳನ್ನು ಸಾರ್ವಜನಿಕ ಬಳಕೆಗಾಗಿ ಕನ್ನಡ ಭಾಷೆಯಲ್ಲಿ, ವಿದ್ಯುನ್ಮಾನ ರೂಪದಲ್ಲಿ, ವಿಶ್ವವ್ಯಾಪಿ ಜಾಲತಾಣದಲ್ಲಿ(www.kanaja.in) ಪ್ರಕಟಿಸುವುದು.
  • ಮಾಹಿತಿಗಳು ಆದಷ್ಟೂ ಅಧಿಕೃತವೂ, ಖಚಿತವೂ, ಸಂರ್ಣವೂ, ಗುಣಮಟ್ಟದ್ದೂ ಆಗಿರುವಂತೆ ತಜ್ಞರ ನೆರವನ್ನು ಪಡೆದು ಎಲ್ಲ ಮಾಹಿತಿಗಳನ್ನೂ ಪರಾಮರ್ಶೆಗೆ ಒಳಪಡಿಸಿಯೇ ಪ್ರಕಟಿಸುವುದು.
  • ಪಠ್ಯ, ಚಿತ್ರ, ಧ್ವನಿ ಮತ್ತು ಚಲನಚಿತ್ರ – ಹೀಗೆ ಬಹುಮಾಧ್ಯಮಗಳಲ್ಲಿ ಕನ್ನಡ ಮಾಹಿತಿಯನ್ನು ಪ್ರಕಟಿಸಲು ಬೇಕಾದ ಎಲ್ಲ ಮಾಹಿತಿ ಸಂಗ್ರಹ ಮತ್ತು ತಂತ್ರಜ್ಞಾನದ ಕ್ರಮಗಳನ್ನೂ ಕೈಗೊಳ್ಳುವುದು.
  • ದೃಷ್ಟಿಸವಾಲು ಎದುರಿಸುತ್ತಿರುವವರಿಗೂ (ಅಂಧತ್ವ) `ಕಣಜ’ದಿಂದ ಮಾಹಿತಿ ಪಡೆಯುವುದಕ್ಕೆ ಬೇಕಾದ ಸಾಧನಗಳನ್ನು ಅಳವಡಿಸಿಕೊಳ್ಳುವುದು.
  • ನಗರ ಮತ್ತು ಗ್ರಾಮೀಣ ಪ್ರದೇಶಗಳ ಜನತೆ, ಉನ್ನತ ಶಿಕ್ಷಣ ಪಡೆದವರು ಅಥವಾ ಕನಿಷ್ಟ ಶಿಕ್ಷಣ ಪಡೆದವರು, ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು, ಸಾರ್ವಜನಿಕ ಸೇವಾನಿರತರು, ವೃತ್ತಿಪರರು ಮತ್ತು ಮನೆಕಾರ್ಯಗಳಲ್ಲಿ ನಿರತರಾಗಿರುವವರು – ಹೀಗೆ ಎಲ್ಲ ಸ್ತರದ ಜನರಿಗೂ ಮಾಹಿತಿಯು ದಕ್ಕುವಂತೆ ಶ್ರಮಿಸುವುದು.
  • ಪ್ರತಿಯೊಂದೂ ಮಾಹಿತಿಯನ್ನು ತತ್ಸಾಮಯಿಕವಾಗಿ ಸಿರಿವಂತಗೊಳಿಸಿ, ಸದಾಕಾಲವೂ ಸರಿಯಾದ ಮತ್ತು ಸಮಕಾಲೀನವಾದ ಮಾಹಿತಿ ದೊರಕುವಂತೆ ಮಾಡುವುದು.
  • ಅರಿವಿನ ದಾಖಲೆಗಳ ಪ್ರಕಟಣೆಯ ಜೊತೆಗೇ ವಿವಿಧ ಜ್ಞಾನಪ್ರವಾಹಗಳ ಸಂರಕ್ಷಣೆಗೆ ಶ್ರಮಿಸುವುದು.

`ಕಣಜ’ದಿಂದ ಏನು ಲಾಭ? ಯಾರಿಗೆ ಅನುಕೂಲ?

  • ಕನ್ನಡದ ಬಳಕೆಯನ್ನು ಹೆಚ್ಚಿಸುವ ಮೂಲಕ ಕನ್ನಡ ಸಾಹಿತ್ಯ ಶ್ರೀಮಂತವಾಗುತ್ತದೆ.
  • ಕನ್ನಡ ಭಾಷೆ ಮತ್ತು ಸಂಸ್ಕೃತಿ ಜಾಗತಿಕ ಮಟ್ಟಕ್ಕೇರಲು ಸಹಕಾರಿಯಾಗುತ್ತದೆ.
  • ಕಲಿಕೆ ಮತ್ತು ಶೈಕ್ಷಣಿಕ ಉದ್ದೇಶಗಳಿಗೆ ಬಹುಕಾಲದಿಂದ ಇರುವ ಮಾಹಿತಿ ಸಾಮಗ್ರಿಯ ಕೊರತೆ ನೀಗುತ್ತದೆ.
  • ಕನ್ನಡದ ಎಲ್ಲ ಕ್ಷೇತ್ರಗಳ ಬರಹಗಾರರು ಅನುಕೂಲಕರ ಮಾಧ್ಯಮದಲ್ಲಿ ಬರೆದು ಜಾಗತಿಕ ಓದುಗ ವರ್ಗವನ್ನು ತಲುತ್ತಾರೆ.
  • ಕಣಜವು ಎಲ್ಲರಿಗಾಗಿಯೇ ರೂಪುಗೊಳ್ಳಲಿದೆ, ವಿಶೇಷವಾಗಿ ಕನ್ನಡದಲ್ಲಿ ಮಾಹಿತಿಯನ್ನು ಬಯಸುವ, ಕನ್ನಡ ಭಾಷೆಯಲ್ಲಿ ವ್ಯವಹರಿಸುವ, ಕನ್ನಡ ಭಾಷೆ ಮಾತ್ರ ಗೊತ್ತಿರುವ ಹಾಗೂ ಬೇರೆ ಭಾಷೆ/ಭಾಷೆಗಳು ಗೊತ್ತಿದ್ದರೂ ಕನ್ನಡದಲ್ಲಿ ಹೊಸ ಹೊಸ ಅರಿವನ್ನು ಹುಡುಕುತ್ತಿರುವವರಿಗೆ ಉಪಯುಕ್ತ. ಅಲ್ಲದೇ ಇದು ಶಾಲಾ / ಕಾಲೇಜು ವಿದ್ಯಾರ್ಥಿಗಳು ಮತ್ತು ಯುವ ಜನತೆ, ರೈತರು, ಗೃಹಿಣಿಯರು, ಸಂಶೋಧಕರು ಮತ್ತು ವಿವಿಧ ವಿಷಯಗಳಲ್ಲಿ ಆಸಕ್ತಿ ಇರುವ ಜನರು ಬಳಸುವ ಮಾಹಿತಿ ಕಣಜವಾಗಿರಲಿದೆ.

‘ಕಣಜ’ದಲ್ಲಿ ಮಾಹಿತಿ ಸಂಗ್ರಹ ಹೇಗೆ ನಡೆಯುತ್ತದೆ?

  • ವಿವಿಧ ವಿಶ್ವವಿದ್ಯಾಲಯಗಳು, ಅಧ್ಯಯನ ಸಂಸ್ಥೆಗಳನ್ನು ವಿನಂತಿಸಿಕೊಂಡು ಈಗಾಗಲೇ ಸಿದ್ಧಪಡಿಸಿದ ಮಾಹಿತಿಗಳನ್ನು ಇಂದಿನ ಅಗತ್ಯಕ್ಕೆ ತಕ್ಕಂತೆ ಸಂಗ್ರಹಿಸಿ ಪ್ರಕಟಿಸಲಾಗುವುದು. ಇದಕ್ಕಾಗಿ ಸೂಕ್ತ ಸಾಂಸ್ಥಿಕ  ಒಪ್ಪಂದಗಳನ್ನು ಮಾಡಿಕೊಳ್ಳಲಾಗುವುದು.
  • ವಿವಿಧ ಸಾಹಿತಿಗಳು, ಲೇಖಕರು, ಪತ್ರಕರ್ತರು ಬರೆದ ಮಾಹಿತಿಪೂರ್ಣ ಲೇಖನಗಳನ್ನು ಅವರ ಸಮ್ಮತಿ ಪಡೆದು ಪ್ರಕಟಿಸಲಾಗುವುದು.
  • ಪ್ರಸಕ್ತ ಕಾಲಮಾನಕ್ಕೆ ಬೇಕಾದ ಸಂಗತಿಗಳ ಬಗ್ಗೆ  ಕನ್ನಡದಲ್ಲಿ ಲೇಖನಗಳನ್ನು ಬರೆಸಿ ಪ್ರಕಟಿಸಲಾಗುವುದು. ಸ್ವತಂತ್ರ ಲೇಖನಗಳಲ್ಲದೆ ಅನುವಾದಿತ ಕೃತಿಗಳನ್ನೂ ಸಂಗ್ರಹಿಸಲಾಗುವುದು.
  • ಸಾರ್ವಜನಿಕರು ಜಾಲತಾಣದಲ್ಲೇ ತಮ್ಮ ಲೇಖನಗಳನ್ನು, ಪ್ರತಿಕ್ರಿಯೆಗಳನ್ನು ಬರೆಯುವುದಕ್ಕೆ ಸಾಧನಗಳನ್ನು ಒದಗಿಸಿ ಸಾರ್ವಜನಿಕ ಭಾಗಿತ್ವವನ್ನು ಹೆಚ್ಚಿಸಲಾಗುವುದು.
  • ಐತಿಹಾಸಿಕ ಮತ್ತು ಅಧ್ಯಯನದ ಮಹತ್ವವನ್ನು ಹೊಂದಿರುವ, ಕನ್ನಡ ಸಂಸ್ಕೃತಿ – ಪರಂಪರೆಯನ್ನು ಬಿಂಬಿಸುವ ಎಲ್ಲ ಬಹುಮಾಧ್ಯಮ ಮಾಹಿತಿಗಳನ್ನು ಸಂಗ್ರಹಿಸಲಾಗುವುದು.

`ಕಣಜ’ಕ್ಕೆ ಬರೆದರೆ ಸಂಭಾವನೆ ಇದೆಯೆ?

  • ಎಲ್ಲ ಮೂಲಗಳಿಂದ ಉದಾರವಾಗಿ, ಉಚಿತವಾಗಿ ಮತ್ತು ಮುಕ್ತವಾಗಿ ಮಾಹಿತಿಯನ್ನು ಕೊಡುಗೆಯಾಗಿ ಪಡೆಯುವುದು `ಕಣಜ’ದ ಆದ್ಯತೆಯಾಗಿದೆ. ಆದರೆ ಅಗತ್ಯದ ಸಂದರ್ಭಗಳಲ್ಲಿ ಸರ್ಕಾರದ ಹಣಕಾಸಿನ ನೆರವಿನ ಪ್ರಮಾಣವನ್ನು ಅವಲಂಬಿಸಿ ಗೌರವಧನವನ್ನು ನೀಡುವುದಕ್ಕೆ `ಕಣಜ’ವು ಬದ್ಧವಾಗಿದೆ. ಸರ್ಕಾರದ ನೆರವು ಪಡೆಯುತ್ತಿರುವ ಸಂಸ್ಥೆಗಳು ಮಾಹಿತಿಯನ್ನು ಉಚಿತವಾಗಿ ಹಂಚಿಕೊಳ್ಳಬೇಕೆಂಬುದು `ಕಣಜ’ದ ಒತ್ತಾಸೆ. ಸೂಚಿತ ಅನುವಾದದ ಮತ್ತು ಸ್ವತಂತ್ರ ಬರವಣಿಗೆಯ ಸಂದರ್ಭಗಳಲ್ಲಿ ಗೌರವ ಸಂಭಾವನೆ ಖಚಿತ.

`ಕಣಜ’ದಿಂದ ಸಮಾಜಕ್ಕೆ ಆಗುವ ಉಪಯೋಗಗಳೇನು?

  • `ಕಣಜ’ವು ವಿಶ್ವವ್ಯಾಪಿ ಜಾಲತಾಣದಲ್ಲಿ, ಸರ್ವರೂ ಬಳಸಬಹುದಾದ ಯೂನಿಕೋಡ್ ಭಾಷಾವ್ಯವಸ್ಥೆಯಲ್ಲಿ ಸಿಗುವುದರಿಂದ ಕನ್ನಡ ಬಲ್ಲ ಯಾರಾದರೂ ಈ ಮಾಹಿತಿಯನ್ನು ತಮ್ಮ ಅರಿವನ್ನು ವಿಸ್ತರಿಸಿಕೊಳ್ಳಲು ಬಳಸಬಹುದು.
  • ಈ ಮಾಹಿತಿಗಳನ್ನು ಶಾಲಾ ಕಾಲೇಜುಗಳ ವಿದ್ಯಾಗಳು ಕಲಿಕೆಗಾಗಿ ಮುಕ್ತವಾಗಿ ಬಳಸಿಕೊಳ್ಳಬಹುದು.
  • ಎಲ್ಲರಿಗೂ ಖರೀದಿಸಲಾಗದ, ಎಲ್ಲೆಡೆಯೂ ಸಿಗಲಾರದ ಪುಸ್ತಕಗಳಿಂದಲೂ ಮಾಹಿತಿಯು ವ್ಯವಸ್ಥಿತವಾಗಿ ಸಿಗಬೇಕೆಂಬುದು ಕಣಜದ ಆಶಯ. ಯಾವುದೇ ಮಾಹಿತಿಯನ್ನೂ ಪದ ಅಥವಾ ಪದಸಮೂಹವನ್ನು ಬಳಸಿ ತತ್ಕ್ಷಣವೇ ಹುಡುಕಬಹುದು.
  • ಈ ಮಾಹಿತಿಗಳು ವಿಷಯ ಪರಿಣತರಿಂದ ಪರಿಷ್ಕರಣೆ, ಪರಾಮರ್ಶೆಗೆ ಒಳಗಾಗಿಯೇ ಪ್ರಕಟವಾಗುವುದರಿಂದ ಎಲ್ಲ ಮಾಹಿತಿಗೂ ಒಂದು ಪ್ರಮಾಣದ ಅಧಿಕೃತತೆ ಹೊಂದಿರುತ್ತವೆ.
  • `ಕಣಜ’ದ ಮಾಹಿತಿಗಳನ್ನು ಸದಾಕಾಲವೂ ತತ್ಸಾಮಯಿಕಗೊಳಿಸುವ ಉದ್ದೇಶವಿದೆ. ಇದರಿಂದಾಗಿ  ಪುಸ್ತಕಗಳಲ್ಲಿ ಮಾಡಲಾಗದ ತತ್ ಕ್ಷಣದ ಬದಲಾವಣೆಗಳನ್ನು, ತಿದ್ದುಪಡಿಗಳನ್ನು, ಹೊಸ ಬೆಳವಣಿಗೆಗಳನ್ನು `ಕಣಜ’ದಲ್ಲಿ ಪಡೆಯಬಹುದು.
  • ಇಂದಿನ ಮತ್ತು ಮುಂದಿನ ಪೀಳಿಗೆಯ ಜನರು ಮಾಹಿತಿ ಮತ್ತು ತಂತ್ರಜ್ಞಾನ ಆಧಾರಿತ ಬದುಕನ್ನು ಹೆಚ್ಚು ಅವಲಂಬಿಸುತ್ತಾರೆ ಎಂಬುದು ಈಗಿನ ಬೆಳವಣಿಗೆಗಳಿಂದ ಗೊತ್ತಾಗುತ್ತದೆ. ಮುಂದಿನ ಶತಮಾನಗಳಲ್ಲಿ ಕನ್ನಡವು ಗಣಕ ವ್ಯವಸ್ಥೆಯಲ್ಲಿ ಹಬ್ಬುವುದಕ್ಕೆ `ಕಣಜ’ವು ಮೊದಲ ಹೆಜ್ಜೆಯಾಗಲಿದೆ.
  • ದೇಶ ವಿದೇಶಗಳಲ್ಲಿರುವ ಕನ್ನಡದ ಕುಟುಂಬಗಳು ತಮ್ಮ ಮಕ್ಕಳಿಗೆ ಕನ್ನಡವನ್ನು ಕಲಿಸುವುದಕ್ಕೆ, ಕನ್ನಡ ಸಂಸ್ಕೃತಿ – ಪರಂಪರೆಯನ್ನು ಅನುಸರಿಸುವುದಕ್ಕೆ `ಕಣಜ’ವು ನೆರವಾಗುವ ನಿರೀಕ್ಷೆ ನಮ್ಮದು.

`ಕಣಜ’ದ ಮಾಹಿತಿಗಳ ದುರ್ಬಳಕೆ ಆಗುವುದಿಲ್ಲವೆ?

  • ಸಾರ್ವಜನಿಕರು ತಮ್ಮ ಹಸನಾದ ಬದುಕಿಗಾಗಿ `ಕಣಜ’ದ ಮಾಹಿತಿಗಳನ್ನು ಸದ್ಬಳಕೆ ಮಾಡುತ್ತಾರೆ ಎಂಬ ನಂಬುಗೆಯು `ಕಣಜ’ದ್ದು. ಒಂದುವೇಳೆ `ಕಣಜ’ದ ಮಾಹಿತಿಗಳನ್ನು ವಾಣಿಜ್ಯಕ ಉದ್ದೇಶಗಳಿಗೆ, ಲಾಭಕ್ಕಾಗಿ ಬಳಸಿದ್ದೇ ಆದರೆ ಅದು `ಕಣಜ’ವು ರೂಪಿಸಿ ಪ್ರಕಟಿಸಲಿರುವ ಹಕ್ಕುಸ್ವಾಮ್ಯದ  ಹೇಳಿಕೆಯ ಉಲ್ಲಂನೆಯಾಗುತ್ತದೆ. ಯಾವುದೇ ದುರುದ್ದೇಶದ ಬಳಕೆಯನ್ನು ಸಾರ್ವಜನಿಕರೇ ಗುರುತಿಸಿ ತಡೆಯಬಹುದಾಗಿದೆ.
  • `ಕಣಜ’ದಲ್ಲಿ ಪ್ರಕಟವಾಗುವ ಬರಹಗಳ ಹಕ್ಕುಸ್ವಾಮ್ಯವು ಸಾಮಾನ್ಯವಾಗಿ ಈಗಿನ ಹಕ್ಕುಸ್ವಾಮ್ಯ ಕಾಯ್ದೆಗಳನ್ನು ಅನುಸರಿಸಿಯೇ ಇರುತ್ತದೆ. ಈ ಹಕ್ಕುಸ್ವಾಮ್ಯದ ಹೇಳಿಕೆಯು ಭಾರತೀಯ ಸನ್ನಿವೇಶಗಳಿಗೆ, ಭಾರತೀಯ ಸಂವಿಧಾನ ಮತ್ತು ಕಾನೂನಿನ ಚೌಕಟ್ಟಿನಲ್ಲಿ ರೂಪಿಸಿರುವ ಹೇಳಿಕೆಯಾಗಿರುತ್ತದೆ. ಈ  ದಾಖಲೆಯನ್ನು ಈಗ ರೂಪಿಸಲಾಗುತ್ತಿದೆ.

`ಕಣಜ ಕ್ಕೆ ಲೇಖನ ಕಳಿಸಲು ಏನು ಮಾಡಬೇಕು?

  • ನೀವು ಯಾವ ವಿಷಯದ ಮೇಲೆ ಲೇಖನ ಬರೆಯುತ್ತಿದ್ದೀರಿ ಎಂಬುದನ್ನು `ಕಣಜ’ದ ನಿರ್ವಾಹಕರಿಗೆ projectmanager@kanaja.in ಈ ಮಿಂಚಂಚೆಯ (ಈ ಮೈಲ್) ಮೂಲಕ ತಿಳಿಸಿ. ಅಥವಾ `ಕಣಜ’ದ ಕಚೇರಿಗೆ (ನಿಮ್ಮ ದೂರವಾಣಿ ಸಂಖ್ಯೆ, ಅಂಚೆ ವಿಳಾಸ ಸೇರಿಸಿ) ಪತ್ರ ಬರೆದು ವಿಚಾರಿಸಿ ಮುಂದುವರೆಯಿರಿ.
  • `ಕಣಜ’ದಲ್ಲಿ ಇರುವ ಮಾಹಿತಿಗಳ ಬಗ್ಗೆ ನೀವು ತಿದ್ದುಪಡಿ, ಹೆಚ್ಚುವರಿ ಮಾಹಿತಿ ಕಳಿಸುವುದಿದ್ದರೆ `ಕಣಜ’ದಲ್ಲೇ ನೀಡಲಾಗುವ ಹಿಮ್ಮಾಹಿತಿ (ಫೀಡ್ಬ್ಯಾಕ್) ವ್ಯವಸ್ಥೆಯನ್ನು ಬಳಸಿ; ಅಥವಾ ಪತ್ರ ಬರೆಯಿರಿ.
  • ನಿಮ್ಮಲ್ಲಿ ಅಪೂರ್ವವಾದ, ಕನ್ನಡ ಸಂಸ್ಕೃತಿ – ಪರಂಪರೆಗೆ ಸಂಬಂಧಿಸಿದ ದಾಖಲೆಯಿದ್ದರೆ ಅದರ ಮಾಹಿತಿ ಕೊಡಿ.
  • ಒಬ್ಬ ಸಾರ್ವಜನಿಕ ವ್ಯಕ್ತಿಯಾಗಿ (ರೈತರು, ವಿದ್ಯಾರ್ಥಿಗಳು, ವಕೀಲರು, ಇಂಜಿನಿಯರುಗಳು. ಕರಕುಶಲ ವೃತ್ತಿಯವರು, ಪತ್ರಕರ್ತರು, ಸಾಮಾಜಿಕ ಕಾರ್ಯಕರ್ತರು.. ಹೀಗೆ) ನಿಮ್ಮ ಬದುಕಿನ, ವೃತ್ತಿಯ ಅನುಭವಗಳನ್ನು ಕಳಿಸಿಕೊಡಬಹುದು.
  • ನೀವು ಕಳಿಸಿದ ಯಾವುದೇ ಮಾಹಿತಿಯನ್ನು ಸೂಕ್ತ ಪರಾಮರ್ಶೆಯ ನಂತರ ಸಂಪಾದಿಸಿ ಪ್ರಕಟಿಸುವ ಅಥವಾ ನಿರಾಕರಿಸುವ ಸಂಪೂರ್ಣ ಸ್ವಾತಂತ್ರ್ಯವು `ಕಣಜ’ ಸಂಪಾದಕೀಯ ತಂಡಕ್ಕೆ ಇರುತ್ತದೆ.

`ಕಣಜ’ದ ಸಂಪಾದನಾ ಕಾರ್ಯದಲ್ಲಿ ಭಾಗವಹಿಸಬಹುದೆ?

  • ನೀವು ಯಾವುದೇ ವಿಷಯದ ತಜ್ಞರಾಗಿದ್ದರೆ ಖಂಡಿತವಾಗಿಯೂ `ಕಣಜ’ದ ಸಂಪಾದಕೀಯ ತಂಡದಲ್ಲಿ, ಬರಹಗಾರರ ತಂಡದಲ್ಲಿ ಒಬ್ಬರಾಗಿ ಸೇವೆ ನೀಡಬಹುದು.
  • `ಕಣಜ’ಕ್ಕೆ ಬರುವ ಲೇಖನಗಳನ್ನು ಕಣಜದ ಬರವಣಿಗೆಯ ಶಿಷ್ಟತೆಗೆ ಅನುಗುಣವಾಗಿ ಸಂಪಾದಿಸುವ ಕೆಲಸದಲ್ಲೂ ನೀವು ಭಾಗವಹಿಸಬಹುದು (ಈ ಶಿಷ್ಟತೆಯನ್ನು ಈಗ ರೂಪಿಸಲಾಗುತ್ತಿದೆ).
ಸಂಪಾದಕೀಯ ತಂಡದ ಸದಸ್ಯರು ವಿಷಯ
ಶ್ರೀ ಟಿ ಎಸ್ ಗೋಪಾಲ್ , ಶ್ರೀಮಂಗಲ, ಕೊಡಗು ಜಿಲ್ಲೆ ಕನ್ನಡ ಸಾಹಿತ್ಯ, ಭಾಷೆ
ಡಾ|| ಎಚ್ ಎಸ್ ನಿರಂಜನ ಆರಾಧ್ಯ, ತುಮಕೂರು ವಿಜ್ಞಾನ, ತಂತ್ರಜ್ಞಾನ
ಶ್ರೀ ಟಿ ಜಿ ಶ್ರೀನಿಧಿ, ಬೆಂಗಳೂರು ವಿಜ್ಞಾನ, ತಂತ್ರಜ್ಞಾನ
ಶ್ರೀ ಎನ್ ಎ ಎಂ ಇಸ್ಮಾಯಿಲ್, ಬೆಂಗಳೂರು ವಿಜ್ಞಾನ, ತಂತ್ರಜ್ಞಾನ, ಕನ್ನಡ ಸಾಹಿತ್ಯ
ಶ್ರೀ ಪೂರ್ಣಪ್ರಜ್ಞ ಬೇಳೂರು, ಬೇಳೂರು, ಶಿವಮೊಗ್ಗ ಜಿಲ್ಲೆ ಕೃಷಿ, ವಿಜ್ಞಾನ
ಶ್ರೀ ಮಲ್ಲಿಕಾರ್ಜುನ ಹೊಸಪಾಳ್ಯ, ತುಮಕೂರು ಕೃಷಿ, ಜನಪದ
ಶ್ರೀ ಅಡ್ಡೂರು ಕೃಷ್ಣರಾವ್, ಮಂಗಳೂರು ಕೃಷಿ, ಪರಿಸರ, ಗ್ರಾಹಕ ಜಾಗೃತಿ
ಡಾ|| ವಸುಂಧರಾ ಭೂಪತಿ, ಬೆಂಗಳೂರು ವಿಜ್ಞಾನ
ಕೈವಾರ ಗೋಪಿನಾಥ್‌ ವಿಜ್ಞಾನ
ಡಾ|| ಕೆ ಪ್ರಭಾಕರರಾವ್ ಇತಿಹಾಸ
ಡಾ|| ಜಿ ಬಿ ಹರೀಶ್ ಕನ್ನಡ ಸಾಹಿತ್ಯ
ಶ್ರೀ ಕೆ ವಿ ಆರ್ ಸೋಮಯಾಜಿ ಗಣಿತ
ಬಾಲಸುಬಹ್ಮಣ್ಯ ಕಂಜರ್ಪಣೆ ಕನ್ನಡ
ಲಲಿತಾ ಸಿದ್ಧಬಸವಯ್ಯ ಕನ್ನಡ
ಡಾ|| ಸಬಿಹಾ ಭೂಮಿಗೌಡ ಕನ್ನಡ
ಚಂದ್ರಶೇಖರ ತಾಳ್ಯ ಕನ್ನಡ
ಪ್ರೊ|| ಕೆ.ಎಸ್. ನಟರಾಜ ಕನ್ನಡ
ಡಾ|| ಪ್ರಭು ಬಿಸಲೇಹಳ್ಳಿ ಕನ್ನಡ
ಡಾ|| ಅರುಣ ಜೋಳದ ಕೂಡ್ಲಗಿ ಕನ್ನಡ
ಪ್ರೊ|| ಬಿ ವಿ ವಸಂತಕುಮಾರ್ ಕನ್ನಡ
ಡಾ|| ಯು ಬಿ ಪವನಜ ಕನ್ನಡ

ಬರಹದಲ್ಲಿ ಮಾಹಿತಿಯನ್ನು ಹಂಚಿಕೊಳ್ಳುವುದು, ಸಮಾಜದ ಒಳಿತಿನ ಬಗ್ಗೆ ವಿಧಾಯಕವಾಗಿ ಚರ್ಚಿಸುವುದು  ಆದ್ಯತೆಯಾಗಬೇಕು; ವೈಯಕ್ತಿಕ ಪ್ರಶಂಸೆಯಾಗಲೀ, ನಿಂದನೆಯಾಗಲೀ ಇರಕೂಡದು. ಬರವಣಿಗೆಯಲ್ಲಿ ಸೌಜನ್ಯ, ವಿನಯ ಮತ್ತು ಈ ವಿಶ್ವದ  ಎಲ್ಲ ಜೀವಿಗಳ ಬದುಕಿನ ಬಗೆಗೆ ಗೌರವ – ಪ್ರೀತಿ ಇರಬೇಕು.ನಿಮ್ಮ ಸದ್ಭಾವನೆಗಳನ್ನು `ಕಣಜ’ವು ಗೌರವಿಸುತ್ತದೆ. ಆದರೆ `ಕಣಜ’ವು ಕೆಲವು ಶೈಲಿಸೂತ್ರಗಳ ಚೌಕಟ್ಟಿನಲ್ಲೇ ಮಾಹಿತಿಯನ್ನು ಪ್ರಕಟಿಸುತ್ತದೆ. ನಿಮ್ಮ ಬರಹಗಳು ಈ ಸ್ಥೂಲ ಶೈಲಿಯನ್ನು ಅನುಸರಿಸಬೇಕು ಎಂಬುದು ನಮ್ಮ  ಅಪೇಕ್ಷೆಯಾಗಿದೆ:ಹಾಗಾದರೆ ನನಗೆ ಇಷ್ಟ ಅನ್ನಿಸಿದ್ದನ್ನೆಲ್ಲ ಬರೆದು ಕಳಿಸಬಹುದೆ?

  • ಬರಹವು ಆದಷ್ಟೂ ವಸ್ತುನಿಷ್ಠವಾಗಿರಬೇಕೇ ಹೊರತು ಯಾವುದೋ ಒಂದು ಪ್ರತಿಪಾದನೆಯನ್ನು ಪರ-ವಿರೋಧವಾಗಿ ಮಂಡಿಸುವ ದಾಖಲೆಯ ರೀತಿ ಇರಬಾರದು. ಅಲ್ಲದೆ ಯಾವುದೇ ಮತ – ಜಾತಿ – ಪಂಥ – ಲಿಂಗಗಳ ಕುರಿತ ಭಾವನಾತ್ಮಕ ಸಂಗತಿಗಳನ್ನು ಹೊಂದಿರಬಾರದು. ಒಟ್ಟಿನಲ್ಲಿ ಬರಹವು ನಿರ್ಲಿಪ್ತವಾಗಬೇಕು ಎಂದಲ್ಲ; ಅಲಿಪ್ತವಾಗಿರಬೇಕು.

ಗಣಕದಲ್ಲಿ ತಯಾರಾಗಿರುವ ಲೇಖನವನ್ನು ಕಳಿಸಬಹುದೆ?

  • ಗಣಕವನ್ನು ಬಳಸಿ ಅಕ್ಷರ ಜೋಡಿಸಿದ ಲೇಖನಗಳನ್ನು ಕಳಿಸಿದರೆ ತುಂಬಾ ಒಳ್ಳೆಯದು. ಅಂಥ ಲೇಖನಗಳನ್ನು ನೀವು `ಕಣಜ’ದ ಮಿಂಚಂಚೆ (ಈ ಮೈಲ್) ಬಳಸಿ, ಕಾಗದದ ಅಂಚೆ ಮೂಲಕ ಕಳಿಸಬಹುದು. ಗಣಕದಲ್ಲಿ ನೀವು ಬರಹ, ನುಡಿ, ಯೂನಿಕೋಡ್ ವಿಧಾನಗಳಲ್ಲಿ ಕಳಿಸಿದರೆ ಅನುಕೂಲ.

ಹೆಚ್ಚಿನ ಮಾಹಿತಿಗಳಿಗಾಗಿ ಸಂಪರ್ಕಿಸಬೇಕಾದ ಮತ್ತು ನಿಮ್ಮ ಬರಹಗಳನ್ನು ಕಳಿಸಬೇಕಾದ ವಿಳಾಸ:

ಸಲಹಾ ಸಮನ್ವಯಕಾರ, ಐ ಐ ಐ ಟಿ – ಬಿ
‘ಕಣಜ’ ಅಂತರಜಾಲ ಕನ್ನಡ ಜ್ಞಾನಕೋಶ
www.kanaja.in
(ಕರ್ನಾಟಕ ಜ್ಞಾನ ಆಯೋಗದ ಯೋಜನೆ)
ವಿಳಾಸ: ಇಂಟರ್ ನ್ಯಾಶನಲ್ ಇನ್ ಸ್ಟಿಟ್ಯೂಟ್ ಆಫ್ ಇನ್ಫಾರ್ಮೇಶನ್ ಟೆಕ್ನಾಲಜಿ ಬೆಂಗಳೂರು
ನಂ 26/ಸಿ, ಎಲೆಕ್ಟ್ರಾನಿಕ್ಸ್ ಸಿಟಿ, ಹೊಸೂರು ರಸ್ತೆ
ಬೆಂಗಳೂರು – 560100
ದೂರವಾಣಿ: ೯೭೪೧೯೭೬೭೮೯
ಯೋಜನಾ ಕಚೇರಿ ವಿಳಾಸ:
‘ಕಣಜ’ ಅಂತರಜಾಲ ಕನ್ನಡ ಜ್ಞಾನಕೋಶ
ವಿಜ್ಞಾನ ಭವನ, ಮೊದಲನೇ ಮಹಡಿ
ನಂ. 24/2, 21ನೇ ಮುಖ್ಯ ರಸ್ತೆ
ಬನಶಂಕರಿ 2ನೇ ಹಂತ
ಬೆಂಗಳೂರು 560070
ಕಚೇರಿ ಸ್ಥಿರವಾಣಿ: 26716244


 
 

ಶಬ್ದ ಕೋಶ

ಕ್ಷಿಪ್ರ ಹುಡುಕಾಟ:
ಶಬ್ದಕೋಶ ಪುಟ ->

ತಾಜಾ ಸೇರ್ಪಡೆ

ಕನ್ನಡ ಭಾಷೆ, ಸಾಹಿತ್ಯ

ಕೃಷಿ, ರೈತರ ಅನುಭವ

ವಿಜ್ಞಾನ, ತಂತ್ರಜ್ಞಾನ

ಕಲೆ, ಸಂಗೀತ